Yndislegri heimsókn er lokið til Guðmundar. Við höfðum það óskaplega gott. Vetrarfrí var hjá Siggu í skólanum og ákáðum við að skella okkur í ferðalag. Gallinn var að við vorum bara tvær og Eiríkur (ekki frí í skólanum) og Björn Orri voru eftir heima. Við Sigga höfðum nóg að gera við að drekka í okkur öll söfnin og staðina að sjá. Við nutum þess líka að fá okkur gott kaffi og kakó á morgnana og svo gelato í eftirmiðdaginn. Guðmundur var góður gestgjafi og sagði okkur svo vel frá öllu að þetta er allt enn ferskt í kollinum á okkur, næstum alveg.Við afrekuðum að skoða nokkrar kirkjur, fara á Ufizzi listasafn (sjá meðal annars Venus og Flóru og Madonnu í hundruðum útgáfa), fara á carnival í Viareggio, sjá skökku turnana í Bologna, læra smáítölsku, borða ótrúlega góðan mat, fara á safn með fallegum Stradivarihljóðfærum og Davíð sjálfum, kynnast skemmtilegum íslenskum stelpum Láru og Svövu, læra að treysta alls ekki á lestarkerfið á Ítalíu, vera saman mæðgurnar, læra að villast og rata aftur á aðeins mjög fárra fermetra svæði í Firenze og margt fleira en ekki síst að verja yndislegum tíma með Guðmundi. Takk Guðmundur!
Erum annars heima í dag í flensubæli. Sigga er að ná sér en Björn Orri að byrja. Brjálað að gera í skólanum hjá Eiríki nú þegar og ég farin að reyna að plana sumarið. Ætla að reyna að vera þrjár vikur á Íslandi frá 21. maí. Tek skriflegt dönskupróf 20. maí og fer svo í munnlegt í júní. Erum svo að láta okkur dreyma um ferð niður til Þýskalands/Frakklands í sumar í staðinn fyrir fjórðu vikuna á Íslandi sem sagt. Skólinn hennar Siggu fer í sumarfrí um miðjan júní til miðs ágústs en opið verður í frístundarheimilinu. Hef ekki kynnt mér sumarfrí leikskólans þannig að ég á eftir að pússla þessu öllu saman. Eru einhverjar skoðanir á þessu? Séróskir? Vildum auðvitað líka vera í allt sumar á Íslandi en því miður er skóli og vinna og mest peningaleysi að koma í veg fyrir það.
Kveðja,
Auðríkur.
p.s. sjá www.picasaweb.google.com/audurbj
3 kommentarer:
Gaman að þið mæðgur áttuð svona gott frí saman. Gaman væri að sjá þig, Auður mín, ef ekki fleiri í fjölskyldunni í sumar ef tími gefst. Hafið það gott frábæra fjölskylda!
Kveðja,
Eva
umm, evrópsk menning er best í heimi. Ef ég væri þið mundi ég eyða miklum tíma í Evrópu. Þið getið farið í ódýr ferðalög með tjald í Þýskalandi og Frakklandi. Þið eruð svo nálægt Íslandi og auðvelt fyrir fólk að heimsækja ykkur. Þið getið líka skroppið heim í stytri tíma. Um að gera að nota tækifærið að ferðast þarna þegar þið eruð á svæðinu.
Hæ já frábært að heyra hvað þið skemmtuð ykkur vel í Ítalíu. Örugglega ekki annað hægt. Þetta er land sem ég á eftir að heimsækja. Svo æðisleg menning og margt að sjá. Tek undir með Heklu... að nýta sér ódýr ferðalög um Evrópu. Frakkland er æðislegt þekki ekki Þýskaland en alltaf gaman að heimsækja önnur lönd. Ísland bíður ykkar alltaf ;) Mig langar rosalega að koma og heimsækja ykkur þarna í Danmörku og mun örugglega skreppa einn daginn :) Væri samt gaman að sjá ykkur smá í sumar :) Hafið það gott og gangi ykkur vel að pússla þessu saman.
Kær kveðja, Fjóla
Send en kommentar